Железин № 2 ЖББОМ информатика пәнінің мұғалімі Денис Владимирович Масягин Әлкей Марғұлан атындағы Павлодар педагогикалық университетінің жаратылыстану жоғары мектебінің оқытушыларымен бірлесіп «Барлық LEGO MINDSTORMS үшін робототехника: доңғалақты платформадағы роботтар» робототехника бойынша оқу-әдістемелік құрал әзірледі.
Бұл оқу құралын жалпы білім беретін мектептердің педагогтары оқушыларға арналған арнайы курстар бағдарламаларында, STEM оқыту бағыты бойынша факультативтік сабақтар мен үйірме секцияларында, сондай-ақ балаларға қосымша білім беру бағдарламаларын іске асыратын білім беру ұйымдарында пайдалана алады.
Осы жұмысы Қазақстан Республикасы Ғылым және жоғары білім министрлігінің Ғылым комитеті «Жаппай ашық онлайн-курстарды пайдалана отырып, STEM-білім берудің әмбебап педагогын даярлау» жобасын гранттық қаржыландыру шеңберінде орындалды.
