2024 жылдың 3 қаңтарында Павлодар облысының Білім беруді дамытудың инновациялық орталығы «Қысқы мектеп» жобасы аясында химия және биология пән мұғалімдеріне арналған облыстық семинар өткізді. Әдістемелік іс-шараны ББДИО әдіскері Жанке Ляззат Айзбергеновна жүргізді.
Семинарда ББЖМ-ке дайындық мәселелері қозғалды. Сөз сөйлеген ұстаздар биология сабақтарында функционалдық сауаттылықты, оның ішінде математикалық, оқу, қаржылық және жаратылыстану-математикалық сауаттылығын дамытудағы тәжірибелерімен бөлісті.
ББЖМ және ҰБТ-ға дайындық кезінде оқушыларға қиындық тудыратын сұрақтарды шешуге егжей-тегжейлі тоқтады. Реакция жылдамдығына, химиялық тепе-теңдікке және тағы басқаларға қатысты есептер қарастырылды.Семинарға қатысушыларға түсіндірмелер мен ұсыныстар берілді. Семинарға Железин ауданының химия, биология пән мұғалімдері қатысты.
