Мектеп оқушылары арасында табиғатқа қатысты экологиялық дүниетанымды қалыптастыру, қоршаған ортаны аялау сезімін тәрбиелеу мақсатында 2023 жылғы 10 қазанда Павлодар облысы Білім беру басқармасының «Ертіс дарыны» өңірлік қосымша білім беру оқу-әдістемелік орталығы облыстық «Ертіс» телеарнасымен бірлесіп 8-10 сынып оқушылары арасында «Жас экорепортер» облыстық экологиялық конкурсын өткізді.
Байқаудың негізгі мақсаты: оқушылардың табиғатка қатысты экологиялық дүниетанымын қалыптастыру, қоршаған ортаның сапасын жақсартатын экологиялык іс-шараларды өткізудің маңыздылығын тусінуіне ықпал ету, Павлодар өңіріндегі экологиялық проблемаларға назар аудару болып табылады.
Байқауға қатысушылар экология және табиғатты қорғау мәселелеріне арналған жұмыстарды келесі тақырыптар бойынша ұсынды:
– елімізде және менің елді мекенімде табиғатты қорғау;
– менің экологиялық іс-шараларға қатысуым;
– біздің өңірдің экологиялық мәселелері және оларды шешу жолдары.
Қазылар алқасының құрамына Павлодар мемлекеттік педагогикалық университетінің, облыстық «Балалар-жасөспірімдер экология және туризм орталығының» жетекші оқытушылар және облыстық «Ертіс» телеарнасының редакторлары кірді. Ұсынылған жұмыстарды саралап, бағалау шарттарына сәйкес ұпайларды қорытындылап, жеңімпаздарды мен жүлдегерлерді анықтау барысында ауданымыздың №1 жалпы орта білім беру мектебінің 10-сынып оқушысы Булатбаева Меруерт — ІІІ дәрежелі дипломмен марапатталды. ҚҰТТЫҚТАЙМЫЗ!
